ERMONDADI

 No djunta na um kabas

no djunta no mamá

pa ke no lutu i ka di katchur

pa bin ten tchur

Na un djorson ku no sai

barigas mbarasa

iagus di un puti

no garandis mata sedi

na tempu di kolon

     Eh! Ma sol kinti na moransa

no djunta no fasi un turpesa

pa ki djongabu ka ten dunu

na tchur larma ka ta mididu

korson ku ta djubidu

sol mansi dja

no barsa kumpanher

no fala pa i tisinu tuada

di no kombatentis.

nha alma ka bu mpina koitadesa

pa es noba di aos

ku tisin urdimunhu na moransa