Mininu di rua

                                                                                                                

Mininu di rua

Kabelu djurdjuridu

Mon na kabesa

Na kosa kosera di si tchon

Bariga orfadu

Suma garandesa di si koitadesa

Boka di bokera

Naris di ranhu

Miskinhu kubri si rostu;

Sin kamisa na kurpu

Na ronka nudes di si tchon

Sin sapatu

Na masa fidida di si prasa

Mininu di rua

Kalkanhada findidu

Kurpu di kosera

Fomi ka disal sintadu

Na ferferi dia ku noti

Si sol bim mansi

Na fala amanha

PA i dismanha bu kasabi

Ku bin di djorsom